Ministri i Shtetit për Administratën Publike dhe Antikorrupsionin së bashku me Ministrin e Shtetit për Rininë dhe Fëmijët, Agjencinë Kombëtare të Rinisë mirëpritën ditën e dytë të eventit të nivelit të lartë “NextGEN Voices for Europe (Zërat e gjeneratës së re për Evropën) të orientuar drejt të rinjve dhe bashkëpunimit evropian, të organizuar në bashkëpunim me Fondacionin Rinor Karlspreis.

Në kuadër të diskutimeve mbi sfidat dhe perspektivat e kontinentit Evropian, u mbajt paneli i titulluar “Nga Copëzimi te Forca: Ekonomia dhe Siguria në Evropë në Fokus”

Diskutimi u hap me fjalimin e Z. Rene van der Linden, President Nderi i Asamblesë Parlamentare të Këshillit të Evropës, i cili theksoi rëndësinë e bashkëpunimit për të adresuar sfidat ekonomike dhe të sigurisë në Evropë.

Në panel morën pjesë Znj. Adea Pirdeni, Ministre e Shtetit për Administratën Publike dhe Antikorrupsionin; Z. Albert Hani, Sekretar i Përgjithshëm i RYCO; Z. Detlev Boeing, Udhëheqës i Ekipit të Mbështetjes për Integrimin Evropian në Shqipëri; Z. Kristaq Xharo, Pedagog i Marrëdhënieve Ndërkombëtare në Universitetin Europian të Tiranës. Panelistët diskutuan strategjitë për rritjen e sigurisë dhe stabilitetit në rajon dhe roli i institucioneve në ndërtimin e një Evrope më të fortë dhe të qëndrueshme.

Paneli u moderua nga Z. Kreshnik Loka, drejtues i Zyrës Lokale të RYCO në Shqipëri.

Në përmbyllje të eventit panelistët riafirmuan rëndësinë e dialogut dhe bashkëpunimit për një Evropë më të bashkuar. Përtej debatit intelektual, “NextGEN Voices for Europe” ofroi një përvojë të pasur kulturore, duke nxjerrë në pah trashëgiminë historike dhe aspiratat evropiane të Shqipërisë.