Desiana Todolli

Znj. Todolli iu bashkua sektorit publik në vitin 2020, përmes Programit Kombëtar të Praktikave të Punës pranë Ministrisë së Drejtësisë. Prej Janarit të 2024, ajo shërben si asistente e Ministrit të Shtetit për Administratën Publike dhe Antikorrupsionin.

Më parë, është angazhuar pranë Drejtorisë së Politikave dhe Strategjive në Fushën e Drejtësisë, ku ka dhënë kontributin in e saj në nisma të rëndësishme në kuadrin strategjik në këtë fushë dhe duke u angazhuar intensivisht në hartimin dhe monitorimin e Strategjisë Ndërsektoriale të Drejtësisë.

Në vijim, ajo shërbeu për një periudhë 1-vjeçare pranë zyrës së Zëvendësministrit të Drejtësisë. Ajo zotëron aftësi të shkëlqyera në koordinimin administrativ të takimeve institucionale dhe në menaxhimin e marrëdhënieve me publikun. Znj. Todolli ka përfunduar studimet në Fakultetin e Drejtësisë, Universiteti i Tiranës, ku finalizoi edhe studimet ‘Master Shkencor Penal’.