Tiranë, 19 Nëntor 2025 – Gjatë diskutimit në seancë parlamentare të projektbuxhetit për vitin 2026, Ministrja e Shtetit për Administratën Publike dhe Antikorrupsionin, Adea Pirdeni u shpreh se ky projektbuxhet reflekton zotimin e Qeverisë Shqiptare për të garantuar kushte më të mira pune, si dhe rritjen e mirëqënies së punonjësve dhe familjeve të tyre.
Ajo nënvizoi se:
“Me indeksimin e pagave që nga Janari 2026 dhe rritjen e pagës minimale me 10.000 lekë të reja duke e çuar atë në 50.000 lekë të reja, do të ketë një rritje prej 25% për një kategori të konsiderueshme të punonjësve të administratës me paga aktualisht më të ulëta.”
Ndër të tjera, Ministrja Pirdeni nënvizoi se:
“Projektbuxheti i vitit 2026 është dëshmi e qartë jo vetëm e trendit të nisur për rritjen graduale të pagave, por edhe reflektim i vizionit të Qeverisë Shqiptare ndaj reformës në administratën publike, si një nga elementët kyç drejt anëtarësimit të Shqipërisë në BE.”