Bruksel, 17 Nëntor 2025 – Ministrja e Shtetit për Administratën Publike dhe Antikorrupsionin, njëherësh Zëvendës Kryenegociatore për Aderimin e Shqipërisë në BE, Adea Pirdeni ka reaguar përmes rrjeteve të saj sociale në lidhje me hapjen e të gjithë kapitujve të negociatave me BE-në.

Ajo nënvizon se sot Shqipëria është më pranë se kurrë familjes së saj natyrale të Bashkimit Evropian.

Reagimi i plotë i Ministres Pirdeni:

“🇦🇱🇪🇺 Shqipëria më pranë se kurrë familjes së saj natyrale të Bashkimit Evropian.

Në 📍Bruksel sot, në një tjetër ditë domethënëse të rrugëtimit evropian të Shqipërisë, e cila brenda një kohe rekord prej 12 muajsh çeli të gjithë kapitujt e negociatave me BE-në.

Misioni historik vazhdon pa ndërprerje për të mbyllur negociatat e hapura brenda 2027-tës dhe anëtarësuar në BE brenda kësaj dekade.

Krenarë për vlerësimin dhe mbështetjen e qartë të BE-së në këtë përpjekje të përbashkët, si dhe shumë mirënjohje ndaj punës dhe përkushtimit së secilit negociator për arritjet e deritanishme dhe hapjen e horizonteve të reja me Bashkimin Evropian.

#Shqipëria2030🇦🇱🇪🇺”